Наивност и наивник е сложно понятие и означава много неща. Ще отнеме няколко форума да се разнищи въпроса, какво, кога и защо човек е склонен да приема без да проверява или въпреки че противоречи на предишен негов опит.
Дай да си говорим за ВБТ:
Ето го сансктита по=долу. Ако искаш ще потърся и превода на Лакшманджу иевонтуално коментарите на Кшемараджа.
---------------------------------------------------------------------------------------
śrī devyuvāca |
śrutaṁ deva mayā sarvaṁ rudrayāmalasambhavam|
trikabhedamaśeṣeṇa sārātsāravibhāgaśaḥ || 1 ||
adyāpi na nivṛtto me saṁśayaḥ parameśvara |
kiṁ rūpaṁ tattvato deva śabdarāśikalāmayam|| 2 ||
kiṁ vā navātmabhedena bhairave bhairavākṛtau |
triśirobhedabhinnaṁ vā kiṁ vā śaktitrayātmakam|| 3 ||
nādabindumayaṁ vāpi kiṁ candrārdhanirodhikāḥ |
cakrārūḍhamanackaṁ vā kiṁ vā śaktisvarūpakam|| 4 ||
parāparāyāḥ sakalamaparāyāśca vā punaḥ |
parāyā yadi tadvatsyātparatvaṁ tadvirudhyate || 5 ||
na hi varṇavibhedena dehabhedena vā bhavet|
paratvaṁ niṣkalatvena sakalatve na tadbhavet|| 6 ||
prasādaṁ kuru me nātha niḥśeṣaṁ chinddhi saṁśayam|
bhairava uvāca |
sādhu sādhu tvayā pṛṣṭaṁ tantrasāramidampriye || 7 ||
gūhanīyatamambhadre tathāpi kathayāmi te |
yatkiṁcitsakalaṁ rūpaṁ bhairavasya prakīrtitam|| 8 ||
tadasāratayā devi vijñeyaṁ śakrajālavat|
māyāsvapnopamaṁ caiva gandharvanagarabhramam|| 9 ||
dhyānārthambhrāntabuddhīnāṁ kriyāḍambaravartinām|
kevalaṁ varṇitampuṁsāṁ vikalpanihatātmanām|| 10 ||
tattvato na navātmāsau śabdarāśirna bhairavaḥ |
na cāsau triśirā devo na ca śaktitrayātmakaḥ || 11 ||
nādabindumayo vāpi na candrārdhanirodhikāḥ |
na cakrakramasambhinno na ca śaktisvarūpakaḥ || 12 ||
aprabuddhamatīnāṁ hi etā balavibhīṣikāḥ |
mātṛmodakavatsarvaṁ pravṛttyarthaṁ udāhṛtam|| 13 ||
dikkālakalanonmuktā deśoddeśāviśeṣinī |
vyapadeṣṭumaśakyāsāvakathyā paramārthataḥ || 14 ||
antaḥsvānubhavānandā vikalponmuktagocarā |
yāvasthā bharitākārā bhairavī bhairavātmanaḥ || 15 ||
tadvapustattvato jñeyaṁ vimalaṁ viśvapūraṇam|
evaṁvidhe pare tattve kaḥ pūjyaḥ kaśca tṛpyati || 16 ||
evaṁvidhā bhairavasya yāvasthā parigīyate |
sā parā pararūpeṇa parā devī prakīrtitā || 17 ||
śaktiśaktimatoryadvadabhedaḥ sarvadā sthitaḥ |
atastaddharmadharmitvātparā śaktiḥ parātmanaḥ || 18 ||
na vahnerdāhikā śaktirvyatiriktā vibhāvyate |
kevalaṁ jñānasattāyāmprārambho 'yampraveśane || 19 ||
śaktyavasthāpraviṣṭasya nirvibhāgena bhāvanā |
tadāsau śivarūpī syātśaivī mukhamihocyate || 20 ||
yathālokena dīpasya kiraṇairbhāskarasya ca |
jñāyate digvibhāgādi tadvacchaktyā śivaḥ priye || 21 ||
śrī devyuvāca |
devadeva triśūlāṅka kapālakṛtabhūṣaṇa |
digdeśakālaśūnyā ca vyapadeśavivarjitā || 22 ||
yāvasthā bharitākārā bhairavasyopalabhyate |
kairupāyairmukhaṁ tasya parā devi kathambhavet|
yathā samyagahaṁ vedmi tathā me brūhi bhairava || 23 ||
bhairava uvāca |
ūrdhve prāṇo hyadho jīvo visargātmā paroccaret|
utpattidvitayasthāne bharaṇādbharitā sthitiḥ || 24 ||
maruto 'ntarbahirvāpi viyadyugmānivartanāt|
bhairavyā bhairavasyetthambhairavi vyajyate vapuḥ || 25 ||
na vrajenna viśecchaktirmarudrūpā vikāsite |
nirvikalpatayā madhye tayā bhairavarūpatā || 26 ||
kumbhitā recitā vāpi pūritā vā yadā bhavet|
tadante śāntanāmāsau śaktyā śāntaḥ prakāśate || 27 ||
āmūlātkiraṇābhāsāṁ sūkṣmātsūkṣmatarātmikam|
cintayettāṁ dviṣaṭkānte śyāmyantīmbhairavodayaḥ || 28 ||
udgacchantīṁ taḍitrūpāmpraticakraṁ kramātkramam|
ūrdhvaṁ muṣṭitrayaṁ yāvattāvadante mahodayaḥ || 29 ||
kramadvādaśakaṁ samyagdvādaśākṣarabheditam|
sthūlasūkṣmaparasthityā muktvā muktvāntataḥ śivaḥ || 30 ||
tayāpūryāśu mūrdhāntaṁ bhaṅktvā bhrūkṣepasetunā |
nirvikalpaṁ manaḥ kṛtvā sarvordhve sarvagodgamaḥ || 31 ||
śikhipakṣaiścitrarūpairma|ṅdalaiḥ śūnyapañcakam|
dhyāyato 'nuttare śūnye praveśo hṛdaye bhavet|| 32 ||
īdṛśena krameṇaiva yatra kutrāpi cintanā |
śūnye kuḍye pare pātre svayaṁ līnā varapradā || 33 ||
kapālāntarmano nyasya tiṣṭhanmīlitalocanaḥ |
krameṇa manaso dārḍhyātlakṣayetlaṣyamuttamam|| 34 ||
madhyanāḍī madhyasaṁsthā bisasūtrābharūpayā |
dhyātāntarvyomayā devyā tayā devaḥ prakāśate || 35 ||
kararuddhadṛgastreṇa bhrūbhedāddvārarodhanāt|
dṛṣṭe bindau kramāllīne tanmadhye paramā sthitiḥ || 36 ||
dhāmāntaḥkṣobhasambhūtasūkṣmāgnitilakākṛtim|
binduṁ śikhānte hṛdaye layānte dhyāyato layaḥ || 37 ||
anāhate pātrakarṇe 'bhagnaśabde sariddrute |
śabdabrahmaṇi niṣṇātaḥ parambrahmādhigacchati || 38 ||
praṇavādisamuccārātplutānte śūnyabhāvānāt|
śūnyayā parayā śaktyā śūnyatāmeti bhairavi || 39 ||
yasya kasyāpi varṇasya pūrvāntāvanubhāvayet|
śūnyayā śūnyabhūto 'sau śūnyākāraḥ pumānbhavet|| 40 ||
tantryādivādyaśabdeṣu dīrgheṣu kramasaṁsthiteḥ |
ananyacetāḥ pratyante paravyomavapurbhavet|| 41 ||
pi|ṅdamantrasya sarvasya sthūlavarṇakrameṇa tu |
ardhendubindunādāntaḥ śūnyoccārādbhavecchivaḥ || 42 ||
nijadehe sarvadikkaṁ yugapadbhāvayedviyat|
nirvikalpamanāstasya viyatsarvampravartate || 43 ||
pṛṣṭaśūnyaṁ mūlaśūnyaṁ yugapadbhāvayecca yaḥ |
śarīranirapekṣiṇyā śaktyā śūnyamanā bhavet|| 44 ||
pṛṣṭaśūnyaṁ mūlaśūnyaṁ hṛcchūnyambhāvayetsthiram|
yugapannirvikalpatvānnirvikalpodayastataḥ || 45 ||
tanūdeśe śūnyataiva kṣaṇamātraṁ vibhāvayet|
nirvikalpaṁ nirvikalpo nirvikalpasvarūpabhāk|| 46 ||
sarvaṁ dehagataṁ dravyaṁ viyadvyāptaṁ mṛgekṣaṇe |
vibhāvayettatastasya bhāvanā sā sthirā bhavet|| 47 ||
dehāntare tvagvibhāgambhittibhūtaṁ vicintayet|
na kiṁcidantare tasya dhyāyannadhyeyabhāgbhavet|| 48 ||
hṛdyākāśe nilīnākṣaḥ padmasampuṭamadhyagaḥ |
ananyacetāḥ subhage paraṁ saubhāgyamāpnuyāt|| 49 ||
sarvataḥ svaśarīrasya dvādaśānte manolayāt|
dṛḍhabuddherdṛḍhībhūtaṁ tattvalakṣyampravartate || 50 ||
yathā tathā yatra tatra dvādaśānte manaḥ kṣipet||
pratikṣaṇaṁ kṣīṇavṛttervailakṣaṇyaṁ dinairbhavet|| 51 ||
kālāgninā kālapadādutthitena svakampuram|
pluṣṭamvicintayedante śāntābhāsastadā bhavet|| 52 ||
evameva jagatsarvaṁ dagdhaṁ dhyātvā vikalpataḥ |
ananyacetasaḥ puṁsaḥ pumbhāvaḥ paramo bhavet|| 53 ||
svadehe jagato vāpi sūkṣmasūkṣmatarāṇi ca |
tattvāni yāni nilayaṁ dhyātvānte vyajyate parā || 54 ||
pināṁ ca durbalāṁ śaktiṁ dhyātvā dvādaśagocare |
praviśya hṛdaye dhyāyanmuktaḥ svātantryamāpnuyāt|| 55 ||
bhuvanādhvādirūpeṇa cintayetkramaśo 'khilam|
sthūlasūkṣmaparasthityā yāvadante manolayaḥ || 56 ||
asya sarvasya viśvasya paryanteṣu samantataḥ |
adhvaprakriyayā tattvaṁ śaivaṁ dhyatvā mahodayaḥ || 57 ||
viśvametanmahādevi śūnyabhūtaṁ vicintayet|
tatraiva ca mano līnaṁ tatastallayabhājanam|| 58 ||
ghatādibhājane dṛṣṭimbhittistyaktvā vinikṣipet|
tallayaṁ tatkṣaṇādgatvā tallayāttanmayo bhavet|| 59 ||
nirvṛkṣagiribhittyādideśe dṛṣṭiṁ vinikṣipet|
vilīne mānase bhāve vṛttikṣiṇaḥ prajāyate || 60 ||
ubhayorbhāvayorjñāne dhyātvā madhyaṁ samāśrayet|
yugapacca dvayaṁ tyaktvā madhye tattvamprakāśate || 61 ||
bhāve tyakte niruddhā cinnaiva bhāvāntaraṁ vrajet|
tadā tanmadhyabhāvena vikasatyati bhāvanā || 62 ||
sarvaṁ dehaṁ cinmayaṁ hi jagadvā paribhāvayet|
yugapannirvikalpena manasā paramodayaḥ || 63 ||
vāyudvayasya saṁghaṭṭādantarvā bahirantataḥ |
yogī samatvavijñānasamudgamanabhājanam|| 64 ||
sarvaṁ jagatsvadehaṁ vā svānandabharitaṁ smaret|
yugapatsvāmṛtenaiva parānandamayo bhavet|| 65 ||
kuhanena prayogeṇa sadya eva mṛgekṣaṇe |
samudeti mahānando yena tattvaṁ prakāśate || 66 ||
sarvasrotonibandhena prāṇaśaktyordhvayā śanaiḥ |
pipīlasparśavelāyāmprathate paramaṁ sukham|| 67 ||
vahnerviṣasya madhye tu cittaṁ sukhamayaṁ kṣipet|
kevalaṁ vāyupūrṇaṁ vā smarānandena yujyate || 68 ||
śaktisaṁgamasaṁkṣubdhaśaktyāveśāvasānikam|
yatsukhambrahmatattvasya tatsukhaṁ svākyamucyate || 69 ||
lehanāmanthanākoṭaiḥ strīsukhasya bharātsmṛteḥ |
śaktyabhāve 'pi deveśi bhavedānandasamplavaḥ || 70 ||
ānande mahati prāpte dṛṣṭe vā bāndhave cirāt|
ānandamudgataṁ dhyātvā tallayastanmanā bhavet|| 71 ||
jagdhipānakṛtollāsarasānandavijṛmbhaṇāt|
bhāvayedbharitāvasthāṁ mahānandastato bhavet|| 72 ||
gitādiviṣayāsvādāsamasaukhyaikatātmanaḥ |
yoginastanmayatvena manorūḍhestadātmatā || 73 ||
yatra yatra manastuṣṭirmanastatraiva dhārayet|
tatra tatra parānandasvārūpaṁ sampravartate || 74 ||
anāgatāyāṁ nidrāyāmpraṇaṣṭe bāhyagocare |
sāvasthā manasā gamyā parā devī prakāśate || 75 ||
tejasā sūryadīpāderākāśe śabalīkṛte |
dṛṣṭirniveśyā tatraiva svātmarūpamprakāśate || 76 ||
karaṅkiṇyā krodhanayā bhairavyā lelihānayā |
khecaryā dṛṣṭikāle ca parāvāptiḥ prakāśate || 77 ||
mṛdvāsane sphijaikena hastapādau nirāśrayam|
nidhāya tatprasaṅgena parā pūrṇā matirbhavet|| 78 ||
upaviśyāsane samyagbāhū kṛtvārdhakuñcitau |
kakṣavyomni manaḥ kurvanśamamāyāti tallayāt|| 79 ||
sthūlarūpasya bhāvasya stabdhāṁ dṛṣṭiṁ nipātya ca |
acireṇa nirādhāraṁ manaḥ kṛtvā śivaṁ vrajet|| 80 ||
madhyajihve sphāritāsye madhye nikṣipya cetanām|
hoccāraṁ manasā kurvaṁstataḥ śānte pralīyate || 81 ||
āsane śayane sthitvā nirādhāraṁ vibhāvayan|
svadehaṁ manasi kṣiṇe kṣaṇātkṣīṇāśayo bhavet|| 82 ||
calāsane sthitasyātha śanairvā dehacālanāt|
praśānte mānase bhāve devi divyaughamāpnuyāt|| 83 ||
ākāśaṁ vimalampaśyankṛtvā dṛṣṭiṁ nirantarām|
stabdhātmā tatkṣaṇāddevi bhairavaṁ vapurāpnuyāt|| 84 ||
līnaṁ mūrdhni viyatsarvambhairavatvena bhāvayet|
tatsarvambhairavākāratejastattvaṁ samāviśet|| 85 ||
kiñcijjñātaṁ dvaitadāyi bāhyālokastamaḥ punaḥ |
viśvādi bhairavaṁ rūpaṁ jñātvānantaprakāśabhṛt|| 86 ||
evameva durniśāyāṁ kṛṣṇapakṣāgame ciram|
taimirambhāvayanrūpambhairavaṁ rūpameṣyati || 87 ||
evameva nimīlyādau netre kṛṣṇābhamagrataḥ |
prasārya bhairavaṁ rūpambhāvayaṁstanmayo bhavet|| 88 ||
yasya kasyendriyasyāpi vyāghātācca nirodhataḥ |
praviṣṭasyādvaye śūnye tatraivātmā prakāśate || 89 ||
abindumavisargaṁ ca akāraṁ japato mahān|
udeti devi sahasā jñānaughaḥ parameśvaraḥ || 90 ||
varṇasya savisargasya visargāntaṁ citiṁ kuru |
nirādhāreṇa cittena spṛśedbrahma sanātanam|| 91 ||
vyomākāraṁ svamātmānaṁ dhyāyeddigbhiranāvṛtam|
nirāśrayā citiḥ śaktiḥ svarūpaṁ darśayettadā || 92 ||
kiṁcidaṅgaṁ vibhidyādau tīkṣṇasūcyādinā tataḥ |
tatraiva cetanāṁ yuktvā bhairave nirmalā gatiḥ || 93 ||
cittādyantaḥkṛtirnāsti mamāntarbhāvayediti |
vikalpānāmabhāvena vikalpairujjhito bhavet|| 94 ||
māyā vimohinī nāma kalāyāḥ kalanaṁ sthitam|
ityādidharmaṁ tattvānāṁ kalayanna pṛthagbhavet|| 95 ||
jhagitīcchāṁ samutpannāmavalokya śamaṁ nayet|
yata eva samudbhūtā tatastatraiva līyate || 96 ||
yadā mamecchā notpannā jñānaṁ vā kastadāsmi vai |
tattvato 9haṁ tathābhūtastallīnastanmanā bhavet|| 97 ||
icchāyāmathavā jñāne jāte cittaṁ niveśayet|
ātmabuddhyānanyacetāstatastattvārthadarśanam|| 98 ||
nirnimittambhavejjñānaṁ nirādhārambhramātmakam|
tattvataḥ kasyacinnaitadevambhāvī śivaḥ priye || 99 ||
ciddharmā sarvadeheṣu viśeṣo nāsti kutracit|
ataśca tanmayaṁ sarvambhāvayanbhavajijjanaḥ || 100 ||
kāmakrodhalobhamohamadamātsaryagocare |
buddhiṁ nistimitāṁ kṛtvā tattattvamavaśiṣyate || 101 ||
indrajālamayaṁ viśvaṁ vyastaṁ vā citrakarmavat|
bhramadvā dhyāyataḥ sarvampaśyataśca sukhodgamaḥ || 102 ||
na cittaṁ nikṣipedduḥkhe na sukhe vā parikṣipet|
bhairavi jñāyatāṁ madhye kiṁ tattvamavaśiṣyate || 103 ||
vihāya nijadehasthaṁ sarvatrāsmīti bhāvayan|
dṛḍhena manasā dṛṣṭyā nānyekṣiṇyā sukhī bhavet|| 104 ||
ghaṭādau yacca vijñānamicchādyaṁ vā mamāntare |
naiva sarvagataṁ jātambhāvayaniti sarvagaḥ || 105 ||
grāhyagrāhakasaṁvittiḥ sāmānyā sarvadehinām|
yogināṁ tu viśeṣo 9sti sambandhe sāvadhānatā || 106 ||
svavadanyaśarīre 9pi saṁvittimanubhāvayet|
apekṣāṁ svaśarīrasya tyaktvā vyāpī dinairbhavet|| 107 ||
nirādhāraṁ manaḥ kṛtvā vikalpānna vikalpayet|
tadātmaparamātmatve bhairavo mṛgalocane || 108 ||
sarvajñaḥ sarvakartā ca vyāpakaḥ parameśvaraḥ |
sa evāhaṁ śaivadharmā iti dārḍhyācchivo bhavet|| 109 ||
jalasyevormayo vahnerjvālābhaṅgyaḥ prabhā raveḥ |
mamaiva bhairavasyaitā viśvabhaṅgyo vibheditāḥ || 110 ||
bhrāntvā bhrāntvā śarīreṇa tvaritambhuvi pātanāt|
kṣobhaśaktivirāmeṇa parā saṁjāyate daśā || 111 ||
ādhāreṣvathavā 'śaktyā 'jñānāccittalayena vā |
jātaśaktisamāveśakṣobhānte bhairavaṁ vapuḥ || 112 ||
sampradāyamimamdevi śṛṇu samyagvadāmyaham|
kaivalyaṁ jāyate sadyo netrayoḥ stabdhamātrayoḥ || 113 ||
saṁkocaṁ karṇayoḥ kṛtvā hyadhodvāre tathaiva ca |
anackamahalaṁ dhyāyanviśedbrahma sanātanam|| 114 ||
kūpādike mahāgarte sthitvopari nirīkṣaṇāt|
avikalpamateḥ samyaksadyascittalayaḥ sphuṭam|| 115 ||
yatra yatra mano yāti bāhye vābhyantare 'pi vā |
tatra tatra śivāvāsthā vyāpakatvātkva yāsyati || 116 ||
yatra yatrākṣamārgeṇa caitanyaṁ vyajyate vibhoḥ |
tasya tanmātradharmitvāccillayādbharitātmatā || 117 ||
kṣutādyante bhaye śoke gahvare vā raṇāddrute |
kutūhalekṣudhādyante brahmasattāmayī daśā || 118 ||
vastuṣu smaryamāṇeṣu dṛṣṭe deśe manastyajet|
svaśarīraṁ nirādhāraṁ kṛtvā prasarati prabhuḥ || 119 ||
kvacidvastuni vinyasya śanairdṛṣṭiṁ nivartayet|
tajjñānaṁ cittasahitaṁ devi śūnyālāyo bhavet||120 ||
bhaktyudrekādviraktasya yādṛśī jāyate matiḥ |
sā śaktiḥ śāṅkarī nityambhavayettāṁ tataḥ śivaḥ || 121 ||
vastvantare vedyamāne sarvavastuṣu śūnyatā |
tāmeva manasā dhyātvā vidito 'pi praśāmyati || 122 ||
kiṁcijjñairyā smṛtā śuddhiḥ sā śuddhiḥ śambhudarśane |
na śucirhyaśucistasmānnirvikalpaḥ sukhī bhavet|| 123 ||
sarvatra bhairavo bhāvaḥ sāmānyeṣvapi gocaraḥ |
na ca tadvyatirekteṇa paro 'stītyadvayā gatiḥ || 124 ||
samaḥ śatrau ca mitre ca samo mānāvamānayoḥ ||
brahmaṇaḥ paripūrṇatvātiti jñātvā sukhī bhavet|| 125 ||
na dveṣambhāvayetkvāpi na rāgambhāvayetkvacit|
rāgadveṣavinirmuktau madhye brahma prasarpati || 126 ||
yadavedyaṁ yadagrāhyaṁ yacchūnyaṁ yadabhāvagam|
tatsarvambhairavambhāvyaṁ tadante bodhasambhavaḥ || 127 ||
nitye nirāśraye śūnye vyāpake kalanojjhite |
bāhyākāśe manaḥ kṛtvā nirākāśaṁ samāviśet|| 128 ||
yatra yatra mano yāti tattattenaiva tatkṣaṇam|
parityajyānavasthityā nistaraṅgastato bhavet|| 129 ||
bhayā sarvaṁ ravayati sarvado vyāpako 'khile |
iti bhairavaśabdasya santatoccāraṇācchivaḥ || 130 ||
ahaṁ mamedamityādi pratipattiprasaṅgataḥ |
nirādhāre mano yāti taddhyānapreraṇācchamī || 131 ||
nityo vibhurnirādhāro vyāpakaścākhilādhipaḥ |
śabdānpratikṣaṇaṁ dhyāyankṛtārtho 'rthānurūpataḥ || 132 ||
atattvamindrajālābhamidaṁ sarvamavasthitam|
kiṁ tattvamindrajālasya iti dārḍhyācchamaṁ vrajet|| 133 ||
ātmano nirvikārasya kva jñānaṁ kva ca vā kriyā |
jñānāyattā bahirbhāvā ataḥ śūnyamidaṁ jagat|| 134 ||
na me bandho na mokṣo me bhītasyaitā vibhīṣikāḥ |
pratibimbamidambuddherjaleṣviva vivasvataḥ || 135 ||
indriyadvārakaṁ sarvaṁ sukhaduḥkhādisaṁgamam|
itīndriyāṇi saṁtyajya svasthaḥ svātmani vartate || 136 ||
jñānaprakāśakaṁ sarvaṁ sarveṇātmā prakāśakaḥ |
ekamekasvabhāvatvātjñānaṁ jñeyaṁ vibhāvyate || 137 ||
mānasaṁ cetanā śaktirātmā ceti catuṣṭayam|
yadā priye parikṣīṇaṁ tadā tadbhairavaṁ vapuḥ || 138 ||
nistaraṅgopadeśānāṁ śatamuktaṁ samāsataḥ |
dvādaśābhyadhikaṁ devi yajjñātvā jñānavijjanaḥ || 139 ||
atra caikatame yukto jāyate bhairavaḥ svayam|
vācā karoti karmāṇi śāpānugrahakārakaḥ || 140 ||
ajarāmaratāmeti so 'ṇimādiguṇānvitaḥ |
yoginīnāmpriyo devi sarvamelāpakādhipaḥ || 141 ||
jīvannapi vimukto 'sau kurvannapi na lipyate |
śrī devī uvāca |
idaṁ yadi vapurdeva parāyāśca maheśvara || 142 ||
evamuktavyavasthāyāṁ japyate ko japaśca kaḥ |
dhyāyate ko mahānātha pūjyate kaśca tṛpyati || 143 ||
hūyate kasya vā homo yāgaḥ kasya ca kiṁ katham|
śrī bhairava uvāca |
eṣātra prakriyā bāhyā sthūleṣveva mṛgekṣaṇe || 144 ||
bhūyo bhūyaḥ pare bhāve bhāvanā bhāvyate hi yā |
japaḥ so 'tra svayaṁ nādo mantrātmā japya īdṛśaḥ || 145 ||
dhyānaṁ hi niścalā buddhirnirākārā nirāśrayā |
na tu dhyānaṁ śarīrākṣimukhahastādikalpanā || 146 ||
pūjā nāma na puṣpādyairyā matiḥ kriyate dṛḍhā |
nirvikalpe mahāvyomni sā pūjā hyādarāllayaḥ || 147 ||
atraikatamayuktisthe yotpadyeta dināddinam|
bharitākāratā sātra tṛptiratyantapūrṇatā || 148 ||
mahāśūnyālaye vahnau bhūtākṣaviṣayādikam|
hūyate manasā sārdhaṁ sa homaścetanāsrucā || 149 ||
yāgo 'tra parameśāni tuṣṭirānandalakṣaṇā |
kṣapaṇātsarvapāpānāṁ trāṇātsarvasya pārvati || 150 ||
rudraśaktisamāveśastatkṣetrambhāvanā parā |
anyathā tasya tattvasya kā pūjā kāśca tṛpyati || 151 ||
svatantrānandacinmātrasāraḥ svātmā hi sarvataḥ |
āveśanaṁ tatsvarūpe svātmanaḥ snānamīritam|| 152 ||
yaireva pūjyate dravyaistarpyate vā parāparaḥ |
yaścaiva pūjakaḥ sarvaḥ sa evaikaḥ kva pūjanam|| 153 ||
vrajetprāṇo viśejjīva icchayā kuṭilākṛtiḥ |
dīrghātmā sā mahādevī parakṣetramparāparā || 154 ||
asyāmanucarantiṣṭhanmahānandamaye 'dhvare |
tayā devyā samāviṣṭaḥ parambhairavamāpnuyāt|| 155 ||
ṣaṭśatāni divā rātrau sahasrāṇyekaviṁśatiḥ |
japo devyāḥ samuddiṣṭaḥ sulabho durlabho jaḍaiḥ || 156 ||
ityetatkathitaṁ devi paramāmṛtamuttamam|
etacca naiva kasyāpi prakāśyaṁ tu kadācana || 157 ||
paraśiṣye khale krūre abhakte gurupādayoḥ |
nirvikalpamatīnāṁ tu vīrāṇāmunnatātmanām|| 158 ||
bhaktānāṁ guruvargasya dātavyaṁ nirviśaṅkayā |
grāmo rājyampuraṁ deśaḥ putradārakuṭumbakam|| 159 ||
sarvametatparityajya grāhyametanmṛgekṣaṇe |
kimebhirasthirairdevi sthiramparamidaṁ dhanam|
prāṇā api pradātavyā na deyaṁ paramāmṛtam|| 160 ||
śrī devī uvāca |
devadeva māhadeva paritṛptāsmi śaṅkara |
rudrayāmalatantrasya sāramadyāvadhāritam|| 161 ||
sarvaśaktiprabhedānāṁ hṛdayaṁ jñātamadya ca |
ityuktvānanditā devi kaṇṭhe lagnā śivasya tu || 162 ||
Моля, влезте или се регистрирайте.
Автор